A Federación EDUCACIÓN E XESTIÓN da Comunidade Autónoma de Galicia é unha asociación de empresarios, constituída ao amparo do disposto na Constitución e na Lei Orgánica 19/77 do 1 de abril, reguladora do dereito de asociación sindical, que agrupa os empresarios de centros de formación ou ensinanza católicos. Esta organización, sen ánimo de lucro, goza de personalidade xurídica e de plena capacidade de obrar para o cumprimento dos seus fins.
FINS DE EDUCACIÓN E XESTIÓN
- A negociación de pactos, acordos e convenios colectivos, de conformidade coa lexislación que, no seu momento, os regule.
- A presentación dos empresarios integrados na Federación, en canto tales, nas relacións de conflito laboral, colectivo e individual.
- A representación institucional dos Centros nos Consellos Escolares e noutros órganos e institucións do seu ámbito autonómico e tamén nos de ámbito territorial inferior nos supostos nos que no mesmo non exista a correspondente asociación, nos que dita representación estea conferida ás organizacións empresariais.
- A información, asistencia, asesoramento e formación aos seus afiliados en canto empresarios.
- A representación, coordinación, xestión, defensa e promoción dos interese dos empresarios integrados na federación, en canto tales, ante os organismos públicos e privados.
- A representación das entidades federadas ante a Administración.
ÓRGANOS DE GOBERNO DE EDUCACIÓN E XESTIÓN
- ASEMBLEA FEDERAL
- XUNTA FEDERAL
- PRESIDENTA
