FEREGA, “Federación de Relixiosos da Ensinanza na Comunidade Autónoma de Galicia”, é unha asociación de Dereito Pontificio sen ánimo de lucro. O seu fin fundamental é configurar unha Escola Católica renovada e comprometida que, na súa acción educativa diaria, e no marco da nova evanxelización, ofreza á sociedade galega unha resposta de calidade ás esixencias das novas situacións sociais, da realidade intercultural e da vivencia comunitaria da fe.
FINS DE FEREGA
-
Favorecer o estudo en común dos problemas pastorais no campo da educación.
-
Proporcionar aos seus membros, profesorado e persoal dos centros os medios necesarios para o seu perfeccionamento técnico e pedagóxico.
-
Representar e defender os intereses dos Centros de Ensinanza xestionados polos membros.
-
Potenciar a calidade da ensinanza nos centros, e a participación da comunidade educativa.
-
Remover os obstáculos que dificulten a apertura dos centros a todos aqueles que desexen elixilos.
-
Desenvolver entre os centros de ensino organizados polos Institutos relixiosos membros unha fecunda coordinación, para lograr unha mellor inserción das obras na acción pastoral e evanxelizadora da Igrexa.
-
Cooperar e colaborar, en comuñón coa Xerarquía, nos plans de acción pastoral que teñen como obxectivo primario a ensinanza e a educación.
-
Informar, asistir e asesorar os centros de ensino e os Institutos relixiosos membros.
-
Promover a actividade de FERE no ámbito territorial da Comunidade Autónoma de Galicia.
-
En xeral, os que se establecen nos estatutos de FERE.
ORGANIZACIÓN DE FEREGA
1. ÓRGANOS DE DIRECCIÓN
- ASEMBLEA AUTONÓMICA
- XUNTA REITORA
- PRESIDENTA
- VICEPRESIDENTE
2. ÓRGANOS DE XESTIÓN
- SECRETARIO REXIONAL
- DEPARTAMENTOS
REPRESENTATIVIDADE DE FEREGA
Na actualidade FEREGA-CECA representa a 123 centros de toda Galicia, cun total de 2.617 aulas, nas que se escolarizan 60.834 alumnos/as e nas que traballan 4.443 profesores e 701 persoas do PAS.
