Encontro IMPULSA INFANTIL (4ª edición)
Información
| Convocatoria da cuarta edición da xornada Impulsa Infantil, que terá lugar o 14 de marzo, de 10:00h a 14:45h, no Colexio Maior Xelmírez de Santiago de Compostela.
Nesta ocasión, o programa, totalmente práctico, inclúe un obradoiro centrado en como incluír a arteterapia na aula de Infantil, que correrá a cargo de Paula Piñeiro Calvelo, licenciada en Belas Artes e con longa traxectoria traballando con nenos neste ámbito, e outro enfocado no acompañamento da lectoescritura en Infantil, recursos e ferramentas, da man de Rosario Román mestra e autora do libro “Madurar a través de la lecto-escritura”. Ademais, Sara Domínguez, doutora en Educación pola Universidade de Vigo e cunha traxectoria profesional que combina docencia, xestión e a investigación no ámbito musical, ofreceranos, de forma dinámica e motivadora, as claves para integrar a diversidade cultural e musical nestas etapas iniciais da educación. Custo: o custo da matrícula deste encontro é de 65 euros. Inscrición: Podedes inscribirvos neste enlace https://forms.gle/nr5eWADyUU6oPAf39 ata o día 10 de marzo. Agardamos que esta proposta resulte do voso interese. |
Lugar de realización:
Colexio Maior Xelmírez
Rúa Vista Alegre, 48 – 15705-Santiago
Galería de imaxes
