II Premio á Innovación Educativa - Escolas Católicas Escolas Católicas

O grupo SM e Escolas Católicas convocan este premio co queren recoñecer proxectos pedagóxicos innovadores que se desenvolven nos nosos colexios promovendo abordaxes innovadoras que favorecen a aprendizaxe, a integración, o emprendemento…

Enlaces relacionados

Bases

O día 26 de febreiro, no transcurso da asemblea de titulares e directivos, tivo lugar o recoñecemento dos traballos merecedores da segunda edición dos PREMIOS Á INNOVACIÓN EDUCATIVA patrocinados pola editorial SM. Juana Otero Torres, secretaria autonómica de Escolas Católicas, e José Manuel Rodríguez, responsable de SM na zona Noroeste, foron os que revelaron quen eran os premiados nesta edición 2021 marcada pola Covid.

Traballos premiados

Colexio Apóstol Santiago de Vigo

Os 10 reinos matemáticos

Unha proposta coordinada por Isabel Hérnandez Dorado, dirixido a alumnado de 1º de ESO. Un completo proxecto de gamificación ambientado nunha idade antiga inspirada en Pitágoras. Unha combinación pefecta de xogo e aprendizaxe onde destaca a integración das metodoloxías activas que implican e motivan o alumnado, por un avanzado uso das TIC e un acertado proceso de avaliación no que se inclúen “obxectivos de vida”. xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Primeiro premio (1.000€)

Colexio Divina Pastora de Ourense

Hórreos de A Merca

Proxecto titorizado por Susana Rodríguez e Javier Carnero, e dirixido a alumnado de 1º de Educación Primaria. Recoñécese a importancia de avanzar desde o máis próximo ao máis afastado no proceso de aprendizaxe, na utilización de metodoloxías activas así como a introdución de ferramentas TIC e a interdisciplinariedade que caracteriza as numerosas actividades organizadas ao redor dun eixe fundamental, os hórreos de A Merca.

Terceiro premio (500€)

Colexio María Assumpta de Noia

O comercio local medra contigo no Nadal

Proxecto elaborado por alumnado do ciclo superior en Xestión de Vendas e espazos comerciais destinado a axudar e a promocionar o comercio local seguindo un proxecto educativo moi ben definido. Trátase dun proxecto de aprendizaxe e servizo nun contorno próximo ao alumnado e ao colexio, caracterizado pola súa interdisciplinariedade (loxística, escaparatismo, deseño…), pola colaboración con entidades como Noia Histórica e Concello de Noia, con continuidade no tempo e adaptación ao momento covid. Ademais, o proxecto inclúe difusión e proceso de reporting final.

Segundo premio (700€)

Colexio San José-FEC de Lugo

Intelix. emocional e habilidades sociais en tempos de pandemia

Obradoiro coordinado por Mar Fernández, trátase dun proxecto dirixido a alumnado de bacharelato centrado no acompañamento emocional do alumnado, en momentos de vulnerabilidade e incertezas, a través da combinación da comunicación oral e da expresión plástica. xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Expli. 1 Expli. 2 Expli. 3 Expli. 4 Expli. 5 Expli. 6

Accesit (250€)

Galería de imaxes

2020

2020

Ver todas