Día do Domund
Para celebrar o día do Domund, os centros de Escolas Cátólicas de Santiago e en concreto os alumnos de 5º e 6º de educación primaria, organiza un acto anual conxunto. Este ano con lema "Bautizados e enviados".
Festival de Panxoliñas
EC Galicia organiza un Festival de Panxoliñas, con dupla finalidade: salientar entre os alumnos e familias dos seus colexios o significado relixioso do misterio de Xesús feito neno e, por outra banda, promover os cantos de Nadal, en idioma galego.
Celebración da Coaresma
Con motivo da Coaresma, os centros de Escolas Católicas de Santiago de Compostela e en concreto os alumnos de 3º e 4º de Educación Primaria, organizan un acto anual conxunto. Este ano co lema "Xesús, Amigo"
Mes de María
Consiste nunha iniciativa do Equipo de pastoral da Zona de Santiago, que propuxo a idea de promover a devoción mariana a través dunha actividade plástica, de xeito que os alumnos de 1º e 2º de EP realizasen unha imaxe da Virxe, facendo uso de cartolina, plastilina, pinturas, arxila, teas…
Día de Rosalía de Castro
O día 27 de febreiro, 350 alumnos e alumnas de 4º e 5º de Educación Primaria xuntáronse para conmemoraren o Día de Rosalía e a Carvalho Calero. Iniciaron a homenaxe cunha ofrenda floral no Panteón de Galegos Ilustres. Posteriormente, inundaron a zona vella de Santiago realizando un roteiro literario baseado na obra Scórpio de Ricardo Carvalho Calero, elaborado polo coordinador de zona Xosé Ramón Boullón. Un recital poético, un manifesto e o Himno Galego diante da estatura de Rosalía, puxéronlle o ramo á xornada. Os colexios participantes foron: San José de Cluny, Remedios, Divino Maestro, La Salle, Inmaculada, San Jorge e Compañía de María.
Día das Letras e da Ciencia en Galego
En todos os colexios pertencentes á nosa federación, se celebra o Día das Letras. Por exemplo, na cidade de Santiago reúnense varios centros no Panteón de Galegos Ilustres onde lle renden unha homenaxe aos persoeiros alí enterrados. Posteriormente, realizan distintos roteiros literarios pola cidade de Santiago. O DÍA DA CIENCIA EN GALEGO tamén suma cada vez máis adeptos. Un dos primeiros colexios en organizar esta iniciativa foi o Compañía de María de Santiago.