PROGRAMA FESTA DA LINGUA 2022 E CONCURSO IPANEMA DAS LETRAS
Entre as propostas, ademais de ofrecervos a opción de visitas virtuais, material para traballar a Florencio -tamén se inclúe todo o do Seminario Galán– quero destacar estes tres puntos:
-O CONCURSO IPANEMA DAS LETRAS. Trátase dunha proposta onde Primaria pode participar con ilustracións e Secundaria e Bach con artigos. Subirémolas á maqueta virtual a medida que vaiamos recibindo as vosas achegas e, ao final, haberá un agasallo para os gañadores. Tamén engado as bases en anexo.
-O apartado OS NOSOS CENTROS, onde iremos subindo todo o que nos enviedes vós.
-O certame EN GALEGAS, podcast que recollen entrevistas a mulleres (escritoras, tradutoras, cantantes, impulsoras culturais…)
Só me queda darvos as grazas polo voso impagable labor e animarvos a participar no concurso e, sobre todo, a utilizar e compartir con todo o profesorado do voso colexio esta FESTA DA LINGUA VIRTUAL 2022.
