| Convocatoria anual da nosa Xornada de Pastoral Educativa autonómica, que terá lugar o día 31 de xaneiro no salón de actos do Colexio Maior Xelmírez de 9:00h a 15:00h e que será inaugurada por monseñor Prieto Fernández quen, ademais, oficiará a Eucaristía.
O Papa León XIV recibiu hai unhas semanas a numerosas persoas relacionadas co cine e impúlsanos a considerar como promover e utilizar a o audiovisual para enriquecer as nosas programacións con contidos que non só entreteñan senón que tamén formen e evanxelicen. O concepto de “beleza que salva”, convídanos a reflexionar sobre a súa mensaxe e a fomentar as relacións entre cultura e fe. Por iso, desde Escolas Católicas, decidimos poñer o foco nesta xornada na música, no cine e na literatura, tres manifestacións culturais que están ao servizo da fe e da humanidade. Para levala a cabo, contaremos con voces excepcionais como son as de José María Bautista -escritor, formador e creador de Learning Flow-; Christián Gálvez, comunicador e escritor, que será entrevistada polo xornalista Manuel Blanco; Juan Orellana -director do Departamento de Cine da Conferencia Episcopal Española; Lucía González-Barandiarán -periodista e CEO de Boscolfilms- e Ángel González Prado, director de cine e fundador da produtora altruísta, Boscovisión.
O broche de ouro porao a editorial Edelvives, patrocinadora dos PREMIOS Á PASTORAL DO COIDADO que xa vai pola súa décimo quinta edición.
Matrícula
O custo da matrícula desta xornada de pastoral autonómica presencial é de 60 euros, que se ingresarán no número de conta recollido no formulario de inscrición.
Inscrición
Podedes inscribirvos neste enlace antes do día 27 de xaneiro: ENCONTRO DE PASTORAL ESCOLAS CATÓLICAS
Por outra parte, tamén queremos agradecer o patrocinio das entidades colaboradoras Edebé, Sm, Edelvives e Activa polo seu apoio na organización deste evento.
Agardamos que os contidos formais deste tradicional encontro presencial, xunto aos non-formais pero non por iso menos importantes, como son fortalecer vínculos, vérmonos cara a cara, abrazarnos, sorrirnos… en definitiva polo COMPARTIR, vos anime a inscribirvos. |
