Escolas Católicas

Escolas Católicas finaliza o curso escolar organizando o programa Almorzos con directivos, unhas xuntanzas de traballo coas que a secretaria autonómica pretende coñecer, de primeira man, as súas valoracións do curso, a súa situación e inquedanzas para avanzar na misión de ser educadores e directivos dunha escola católica. Ademais, de cara á organización do vindeiro curso, adiántanse as novidades que afectan á xestión dos centros así como as distintas actividades organizadas por EC, entre elas o plan formativo do profesorado para o curso 2025-2026.

Ver

Inscrición

O proxecto “Brigada Verde” do colexio Nosa Señora do Carmen de Fisterra, resultou o “gañador absoluto” de Secundaria dos #PremiosZinkers. Este proxecto, xa recoñecido cos Premios de Innovación Pedagóxica organizados por Escolas Católicas co patrocino de #edelvives, foi seleccionado entre 34 centros educativos de toda España.
Parabéns ao alumnado participante e a todo o equipo!!!

Os cristiáns, e tamén os non cristiáns,  por fin contan co “libro dos libros” en formato on line e en galego.

A editorial SEPT presentou a edición on line da Biblia. O texto responde ao da cuarta edición, publicada no 2022, revisada e actualizada á normativa ortográfica vixente da RAG. Podedes acceder a ela en https://abiblia.gal

Para avanzar na aprendizaxe do inglés, Escolas Católicas mantén vixente, entre outras iniciativas, o convenio asinado con Escolas Católicas de Madrid e o programa BEDA que facilita a certificación con Cambridge, tanto de alumnado como de profesorado.

Información sobre as CONVOCATORIAS DE INCORPORACIÓN, RENOVACIÓN O CAMBIO DE NIVEL EN BEDA E BEDA KIDS

Seguir lendo

Vídeo que recolle os testemuños das distintas sedes autonómicas de Escolas Católicas.

Un grupo de alumnos e alumnas de 1°Bacharelato do colexio de Escolas Católicas, Santa María do Mar (A Coruña) xunto con adultos do CIS (Centro de Integración Social) acaban de presentar unha exposición onde se combina poesía e fotografía para retratar as distintas realidades e barrios da cidade.
A actividade forma parte dun dos voluntariados que se veñen realizando desde inicio de curso con persoas privadas de liberdade.
Ademais desta exposición, que poderá visitarse no pazo de Fonseca, en Compostela, o día 4 de xuño ás 19:30h, tamén realizaron un taller de cociña saudable, a partir da cal elaboraron un pequeno receitario poético en galego (enriquecido con textos en galego de escritores/as e de músicos/as), ademais doutras actividades de carácter máis lúdico e deportivo.

Propostas académicas e estadías de verán para avanzar na aprendizaxe do inglés, dirixidas tanto a alumnado como a profesorado, Escolas Católicas asinou un convenio de colaboración con KELLS COLLEGE, entidade cunha longa traxectoria organizando este tipo de programas.

Máis info.

Escolas Católicas de Galicia, dedicada á misión da educación desde a óptica do Evanxeo, agarda que este novo tempo eclesial co Papa León XIV sexa un tempo de traballo a prol dos máis vulnerables, de diálogo e de apertura ao mundo do século XXI e ás súas realidades, iniciado polo Papa Francisco.

Premer para ver

Agardamos que o noso itinerario responda ás vosas necesidades e intereses e lembrámosvos, unha vez máis, que estamos ao voso dispor para organizar, deseñar e concretar a formación que precisedes así como a xestión de FUNDAE.

Ver plan formativo

Entre os numerosos colaboradores de Escolas Católicas de Galicia encóntrase a Confederación interamericana de Educación Católica integrada, na actualidade por 23 países agrupados administrativamente en cinco rexións correspondentes a Norte, Caribe, Centroamérica, Andina e Sur. Podedes coñecer máis datos sobre esta institución e as súas actividades en http://ciec.edu.co

Neste web colgaremos novas relacionadas coa educación, e información de interese para as nosas escolas así como algúns dos vídeos e mensaxes elaboradas polo secretario actual da organización Óscar Pérez Sayago.

Seguir lendo